Нани Роналдуга: «Ҳеч бир натижа сен яратган тарих ва унутилмас лаҳзаларни ўчира олмайди»

Португалия миллий жамоасининг собиқ яримҳимоячиси Нани ЖЧ-2026дан чиқиб кетган Криштиану Роналдуга мурожаат қилди.

Португалия 1/8 финал босқичида Испанияга 0:1 ҳисобида мағлуб бўлиб, турнирдаги иштирокини якунлади.

«Миллий жамоадаги ва футболдаги меросинг ҳаммасини айтиб турибди. Ҳеч қандай натижа сен яратган тарих ва унутилмас лаҳзаларни ўчира олмайди. Криш, сен билан бирга ана шу лаҳзаларнинг кўпини бошдан кечириш насиб этган ва мен бу либос учун қанчалик фидокорлик қилганингни яхши биламан.

Шунингдек, бу либос Португалия шарафини ҳимоя қилаётган ҳар бир футболчи учун нимани англатишини ҳам яхши биламан. Бу жамоа ҳурмат, қўллаб-қувватлаш ва ишончга лойиқ.

Сенга ҳам, бутун жамоага ҳам куч-ғайрат тилайман», — деб ёзди Нани ижтимоий тармоқдаги саҳифасида.