«Манчестер Юнайтед» уч нафар яримҳимоячини сотиб олиш учун 150 млн фунт стерлинг сарфлашга тайёр. Бу ҳақда Daily Mail хабар бермоқда.
Манбага кўра, «қизил иблислар» Каземиронинг ўрнига асосий вариант сифатида «Брайтон» яримҳимоячиси Карлос Балебани кўриб чиқмоқда. Унинг трансфери 80 млн фунт стерлингга тушиши мумкин.
Шунингдек, клуб «Вест Ҳэм»дан Матеуш Фернандеш ва «Борнмут» вакили Алекс Скотт ҳамда Тайлер Адамсни ҳам кузатмоқда. Бу футболчиларнинг трансферларига 40 миллион фунт стерлинг сарфлашга тайёр.
Захира таркибини кучайтириш учун эса «Саутҳэмптон»дан Шей Чарлз ҳам сотиб олиниши мумкин. Бу тахминан 20 миллион фунтни ташкил этади.
