Ислом Махачев профессионал ММАдаги 29-ғалабасини қўлга киритиб, бу кўрсаткич бўйича собиқ UFC чемпиони Ҳабиб Нурмагомедов билан тенглашиб олди. UFC 330 турнирида россиялик спортчи Ян Геррини ҳакамларнинг якдил қарори билан мағлубиятга учратди.
Эндиликда Махачевнинг профессионал рекорди 29 ғалаба ва битта мағлубиятдан иборат. Ҳабиб эса фаолиятини 29-0 натижаси билан енгилмас жангчи сифатида якунлаган.
Герри билан жанг Махачев учун ярим ўрта вазн тоифасига ўтганидан кейинги иккинчи тўқнашув бўлди. Россиялик чемпионлик камарини дивизион рейтингида биринчи ўринда бораётган рақибини мағлуб этиб, муваффақиятли ҳимоя қилди.
Таъкидлаш жоиз, Ислом ва Ҳабиб болалигидан бирга шуғулланган ва 2020 йилда вафот этган мураббий (Ҳабибнинг отаси) Абдулманап Нурмагомедовнинг шогирдлари ҳисобланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади