«Тоттенҳэм»нинг марказий ҳимоячиси Микки ван де Вен «Ливерпул» футболчисига айланиши мумкин. Бу ҳақда SportsBoom нашри хабар бермоқда.
Манбага кўра, мерсисайдликлар нидерландиялик 25 ёшли ҳимоячининг трансферини Арне Слот ишдан бўшатилганидан сўнг жиддий кўриб чиқмоқда.
Клубда ван де Вен яқин орада жамоани тарк этадиган Ибраҳима Конатенинг ўрнини эгаллаши мумкин, деб ҳисоблашмоқда.
Якунланган мавсумда ҳимоячи барча турнирлар доирасида 45 та учрашувда иштирок этиб, еттита гол урди ва битта голли узатмани амалга оширди.
Transfermarkt маълумотларига кўра, футболчининг нархи 65 миллион еврони ташкил қилади.
