«Малёрка» ҳужумчиси Ведат Мурики «Фенербаҳче» клуби билан шахсий шартнома шартларини келишиб олди. Бу ҳақда инсайдер Яғиз Сабунжўғли хабар бермоқда.
Таъкидланишича, 32 ёшли форвард Истанбул клубининг янги президенти Азиз Йилдиримнинг асосий мақсади ҳисобланади.
Инсайдер Фабрицио Романо Х ижтимоий тармоғида келишув якунланганини тасдиқлади ва трансфер суммасини маълум қилди. Унинг маълумотларига кўра, «Фенербаҳче» футболчининг трансфери учун «Малёрка»га 15 млн евро тўлайди.
Якунланган мавсумда Мурики 23 та гол уриб, Ла Лиганинг иккинчи тўпурарига айланди. Бу борада у «Барселона» аъзоси Ламин Ямал ҳамда «Реал» футболчиси Винисиус Жуниорни (иккаласида ҳам 16 тадан гол) ортда қолдирди.
Фақатгина «қироллик» клуби ҳужумчиси Килиан Мбаппе (25 та гол) ундан кўпроқ гол урган. «Малёрка» чемпионат якунларига кўра 38 та ўйинда 42 очко жамғариб, Сегундага тушиб кетди.
