Бу ҳақда «бянковерди»нинг расмий сайти хабар берди.
Италия миллий жамоаси собиқ ҳимоячиси Алессандро Неста «Авеллино» жамоасининг бош мураббийи лавозимига тайинланди.
Мутаҳассис клуб билан 2028 йил ёзигача мўлжалланган шартнома имзолади. Нестанинг мураббийлик штаби таркибига бош мураббий ёрдамчиси Лоренцо Рубиначчи, техник ёрдамчилар Массимо Ло Монако ва Винченцо Варрика, спорт шифокори Лука Мореллини, дарвозабонлар мураббийи Раффаэле Клементе ва таҳлилчи Федерико Сольдано киради.
Алессандро Неста клуб даражасида ўйинчи бўлган даврда «Лацио» ва «Милан» жамоаларида ўйнаган ва бу жамоалар билан кўплаб совринларни қўлга киритган, Италия миллий жамоаси таркибида эса жаҳон чемпиони бўлган.
2025/2026-йилги мавсуми натижаларига кўра «Авеллино» Серия B турнир жадвалида саккизинчи ўринни эгаллади.
