Бу ҳақда Fichajes нашри хабар берди.
«Ливерпул»нинг нидерландиялик яримҳимоячиси Райан Гравенберх АПЛни тарк этиши мумкин. Яримҳимоячига Испания гранди қизиқиш билдирмоқда.
Испаниянинг Fichajes журналистларининг маълумотига кўра, Мадриднинг «Реал» клуби Гравенберх хизматларига қизиқиб қолган. «Қаймоқранглилар» Райанни келаси мавсумда таркибни кучайтириш учун номзод сифатида кўриб чиқмоқда.
Нидерландияликнинг бозор нархи 80 миллион еврони ташкил қилади. Унинг «қизиллар» билан амалдаги шартномаси 2032 йилнинг ёзигача мўлжалланган.
Эслатиб ўтамиз, Гравенберх АПЛнинг ўтган мавсумида 36 та ўйинда майдонга тушиб, 5 та гол урди ва 3 та голли узатма етказиб берди.
