Белгия миллий жамоаси яримҳимоячиси Аксел Витсел Жаҳон чемпионати-2026 мусобақасида ннималар кутаётганини айтиб ўтди. Мундиал 11 июндан 19 июлгача АҚШ, Канада ва Мексикада ўтказилиши режалаштирилган.
Маълумот учун, хавбек 2008 йилдан буён миллий шарафини ҳимоя қилиб келади.
«Бу жаҳон чемпионатини мен биринчи бор иштирок этаётгандай қабул қиламан, чунки у мен учун охиргиси бўлади. Шунчаки завқ олиш учун қўлимдан келган ҳамма ишни қиламан. Фақат ўйинлар ҳақида эмас, балки машғулотлар ва жамоадошларим билан бирга ўтказиладиган вақт ҳақида ҳам гапиряпман, бу вақт тўрт ҳафтадан ортиқ бўлади.
Назаримда, жамоада мувозанат сақлаш, янги авлод ва катта авлоднинг уйғунлигини таъминлаш муҳим. Ва тўғри кайфият ҳам муҳим. Менинг авлодимдаги ўйинчилар ёш футболчиларга ёрдам бериш учун миллий жамоада, жаҳон чемпионатида тажрибага эга бўлиш доимо муҳим», — дейди Витсел Tribal Football Flashscore'га берган интервюсида.
Эслатиб ўтамиз, ЖЧ-2026 гуруҳ босқичида Белгия миллий жамоаси Миср, Эрон ва Янги Зеландия жамоалари билан рўбарў келади.
