«Манчестер Юнайтед» ҳужумчиси Матеус Куня АПЛнинг 20-тури доирасида «Лидс»га қарши ўйиндан (1:1) кейин ўз фикрлари билан ўртоқлашди.
«Охирги ўйиндан кейин кайфиятимиз бироз тушкун эди. Албатта, ҳар бир учрашувда ғалаба қозонишни истаймиз ва ТОП-4 учун курашиш имкониятига эга эканимизни яхши биламиз. Шунинг учун ишлашда давом этишимиз керак.
Дуррангдан кейин бу ерга келиб ўйнаш осон эмасди — бу ўйин ҳамма учун қанчалик муҳим эканини биламиз. Аммо бу ерда бир очко олиш яхши натижа. Улар гол ургандан кейин дарҳол жавоб қайтариш жуда муҳим эди. Биз ғалаба учун қўлимиздан келганини қилдик ва кейинги ўйинда уч очко қўлга киритишга умид қиламиз», — деди Куня.
Маълумот учун, ушбу учрашувдан сўнг «МЮ»нинг АПЛдаги очколари сони 31 тага етиб, турнир жадвалида 5-ўринда бормоқда.
