Англия Чемпионшип 44-тури доирасида «Ковентри Сити» ўз майдонида «Портсмут»ни 5:1 ҳисобида мағлуб этиб, муддатидан аввал чемпионликни қўлга киритди.
Беллашувда Хажи Райт (12), Мейсон-Кларк (47, 76), Пуҳл (50) ва Кесслер-Хейден (90+1) голлар муаллифига айланди. Меҳмонларнинг ягона жавоб тўпини Сегечич (69) киритди.
Мазкур натижадан сўнг «Ковентри» рақиблар учун етиб бўлмас даражага чиқди ва мавсум тугашига икки тур қолганида чемпионликни расмийлаштирди.
Қайд этиш жоиз, жамоа ўтган турда «Блекберн» билан 1:1 ҳисобида дуранг ўйнаб, Англия Премер-лигасига йўлланмани ҳам қўлга киритганди. Клуб 25 йил ичида илк бор олий дивизионга қайтади.
Маълумот учун, жамоа бош мураббийи Франк Лемпард Чемпионшипда мавсумнинг энг яхши мураббийи деб топилди. У «Ковентри»ни 2024 йил ноябр ойидан буён бошқариб келмоқда.
