«Астон Вилла» Фелипе Коутинионинг жамоани тарк этганини эълон қилди.
Бразилиялик 33 ёшли ҳужумкор яримҳимоячи бирмингҳэмликлар билан хайрлашган. У ижара асосида «Васко да Гама» клубида тўп суриб келаётганди.
Эндиликда Фелипе расман ушбу жамоа сафига кўчиб ўтди. Томонлар футболчининг трансфери бўйича тўлиқ келишувга эришган. Битим суммаси ошкор қилинганича йўқ.
Футболчи «Астон Вилла» сафида 43 ўйинда майдонга тушиб, ўз ҳисобига 6та гол ва 3 ассистни ёздириб қўйган.
Аввалроқ «Астон Вилла» клуби «Қосимпошо»нинг 19 ёшли ҳимоячиси Ёсин Ўзжаннинг трансферини эълон қилганди.
