Халқаро футбол ассоциациялари кенгаши (IFAB) футбол қоидаларига тегишли муҳим янгиликларни муҳокама қилади. Аs нашри хабарига кўра, 20 январ куни Лондонда ўтказиладиган йиллик йиғилишда учта асосий мавзу кўтарилади: офсайд талқинини ўзгартириш, ВАР ваколатларини кенгайтириш ва жароҳат олган футболчилар учун майдонни икки дақиқага тарк этиш қоидаси.
Арсен Венгер илгари сурган ташаббусга кўра, агар футболчининг гол уришга рухсат этилган тана қисмидан бир бўлаги бўлса ҳам охирги ҳимоячи билан бир чизиқда ёки ундан орқада жойлашган бўлса, офсайд қайд этилмаслиги таклиф қилинмоқда. «Офсайд» эса фақат футболчи бутунлай рақиб дарвозаси томон олдинга чиқиб кетган тақдирдагина белгиланади.
Шунингдек, ВАРга бурчак зарбалари билан боғлиқ ҳолатларда ва иккинчи сариқ карточка эпизодларида ҳам аралашув ҳуқуқини бериш масаласи кўриб чиқилади.
Бундан ташқари, Қатарда ўтказилган Араб Кубогида синовдан ўтказилган яна бир қоида ҳам муҳокама қилинади: жароҳат олган ва тиббий ёрдам олган футболчи, агар рақиб карточка олмаган бўлса, майдонни мажбурий равишда икки дақиқага тарк этиши керак бўлади.
IFAB ушбу таклифларни январда муҳокама қилади, якуний қарор эса февраль ойида Уэлсда ўтказиладиган Бош Ассамблеяда қабул қилиниши мумкин. Агар тасдиқланса, янги қоидалар 2026/27 йилги мавсумдан кучга кириши кутилмоқда.
