«Манчестер Сити» марказий ҳимоячиси Марк Геҳи Англия миллий жамоасининг навбатдаги йиғинида иштирок этмайди. Бу ҳақда миллий жамоа матбуот хизмати хабар берди.
Қайд этилишича, Марк Англия Премер-лигасининг 10-тури доирасида «Ноттингҳэм Форест»га қарши беллашувда жароҳат олган. Ушбу баҳсда «шаҳарликлар» 1:3 ҳисобида мағлуб бўлган эди.
Геҳининг сафдан чиққанлиги сабабли Томас Тухел бошчилигидаги мураббийлар штаби миллий жамоа таркибига ўзгартириш киритди. Унинг ўрнига «Нюкасл» ҳимоячиси Дэн Берн жамоага чақирилди.
Маълумот учун, Англия Миллатлар лигаси гуруҳ босқичининг 5-тури доирасида иккита учрашув ўтказади. 12 ноябр куни жамоа ўз майдонида Хорватияни қабул қилса, 15 ноябр куни сафарда Испанияга қарши баҳс олиб боради.
