Мисрлик собиқ ҳакам Гамал Эл Гандур яқинда Tribuna.uz нашри учун интервю берди. Суҳбат давомида у Равшан Эрматов борасида ўз фикрларини билдирди.
- «ФИФА жаҳон чемпионатлари тарихида энг кўп учрашувни бошқарган ҳакам рекорди Ўзбекистон ҳакамлиги ҳақида нимани англатади?
- ФИФА жаҳон чемпионатлари тарихида энг кўп учрашувни бошқарган ҳакам рекорди Ўзбекистон вакили Равшан Эрматовга тегишли. Бу Ўзбекистонда ҳакамликнинг ривожлангани ва юқори савияга етганининг яққол далилидир.
- Демак, сиз Равшан Эрматовни яхши биласиз?!
- Ҳа, албатта. Равшан Эрматов буюк ҳакам ва ФИФА жаҳон чемпионатлари тарихида энг кўп учрашувни бошқариш рекорди соҳиби ҳисобланади.
- Умуман, Ўзбекистон ва унинг футболи ҳақида нималарни биласиз?
- Ўзбекистон Осиёда кучли футбол мамлакатларидан бири ҳисобланади. Миллий жамоаси ФИФА жаҳон чемпионати йўлланмаси учун курашади, мамлакат бир қатор етук ҳакамларни ҳам етиштириб чиқарган. Равшан Эрматов бунинг айниқса ёрқин намунасидир», - деди Гандур.
