Туркиянинг «Фенербаҳче» клуби Италия А Сериясида тўп сураётган икки нафар футболчини таркибига қўшиш имкониятини кўриб чиқмоқда.
Инсайдер Николо Скира маълум қилишича, истанбулликлар «Лацио» яримҳимоячиси Маттео Гендузи ҳамда «Милан» ҳужумчиси Кристофер Нкункуга қизиқиш билдирмоқда.
Маълумотларга кўра, мазкур трансферлар бўйича музокараларни клуб спорт директори Девин Озек олиб бормоқда.
Маълумот учун, Гендузи 2023 йилдан бери «Лацио»да тўп сураётган бўлса, Нкунку ушбу мавсум бошида «Челси»дан «Милан»га кўчиб ўтган. Футболчиларнинг бозор қиймати мос равишда 28 ва 37 млн евро этиб баҳоланмоқда.
