«Фенербаҳче» клуби Эдерсоннинг трансферини эълон қилди.
Бразилиялик 32 ёшли кипер Туркия клуби билан 3 йиллик шартнома имзолайди. Шунингдек, келишувга кўра, томонлар келишув муддатини бир йилга узайтириши мумкин.
Эдерсон трансферни якунлаш учун аллақачон Истанбулга етиб борган.
Қайд этилишича, у «Фенербаҳче»да йилига 11 миллион евро атрофида маош олади.
Футболчининг трансфер қиймати 13-14 миллион еврони ташкил этиши хабар қилинганди.
Эдерсон 2017 йилдан бери «Манчестер Сити»да тўп тепиб келмоқда. Шу кунга қадар у «шаҳарликлар» сафида 327та учрашувда майдонга тушган.
Аввалроқ «Галатасарой» «Манчестер Сити» яримҳимоячиси Илкай Гундўған билан шартнома имзолашга яқин эканлиги хабар қилинганди.
