Испания миллий жамоаси ва «ПСЖ» яримҳимоячиси Фабиан Руис мавсумнинг энг яхши футболчисига бериладиган «Олтин тўп» мукофотига муносиб эканини таъкидлади.
«Жамоавий даражада барча совринларни қўлга киритдим! Бажарган барча меҳнатимдан сўнг менга фақат индивидуал соврин «Олтин тўп» етишмаяпти. Бу менга муносиб бўлган эътирофни берган бўларди», — деди Руис Telefoot нашрига берган интервюсида.
Маълумот ўрнида, ўтган мавсум 30 ёшли футболчи «ПСЖ» таркибида Чемпионлар Лигасида ғолиб чиқди ва Франция чемпиони бўлди. Испания миллий жамоаси билан эса жаҳон чемпионатида зафар қучди.
Руис ўтган мавсум «ПСЖ» сафида барча турнирларда 34 та учрашув ўтказиб, 2 та гол урди ва 5 та ассист амалга оширди. Жаҳон чемпионатида эса 8 та ўйинда майдонга тушиб, 1 марта рақиб дарвозасини ишғол қилди.
Аввалроқ Кейн «Олтин тўп» ҳақида футбол нуқтаи назаридан қўлидан келган барча ишни қилганини айтиб ўтганди.
