Бразилиялик яримҳимоячи Эдерсон «Аталанта» билан 2031 йилнинг ёзига қадар янги шартнома имзолади. Бу ҳақда клуб расмий сайти хабар берди.
Аввалроқ манчестерликлар 27 ёшли футболчининг трансферидан расман воз кечгани хабар қилинган эди. Англия клуби тиббий кўрик натижаларидан қониқмагани учун италияликларга трансфер бекор қилинганини маълум қилган.
Журналист Фабрицио Романонинг маълум қилишича, «Манчестер Юнайтед» бу ёзда трансфер бўйича музокараларни қайта тиклаши ҳақидаги хабарлар ҳақиқатга тўғри келмайди. Келишув бир ҳафта аввал бутунлай бекор қилинган.
Маълумот учун, у 2022 йилдан буён «Аталанта» шарафини ҳимоя қилиб келмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади