«Бока Хуниорс» 2026 йилги Аргентина чемпионати ғолибига айланди. Жамоа ҳал қилувчи турда «Дефенса и Хустисия»ни 1:0 ҳисобида мағлуб этиб, чемпионликни қўлга киритди.
Родолфо Арруабаррена шогирдларига ғалаба келтирган ягона гол учрашувнинг 90+6-дақиқасида урилди. Эквадорлик ҳужумчи Эннер Валенсия сўнгги дақиқаларда рақиб дарвозасини ишғол қилиб, жамоасига муҳим уч очкони тақдим этди.
Ушбу ғалабадан кейин «Бока Хуниорс» очколари сонини 63 тага етказди ва асосий рақобатчиси «Росарио Сентрал»ни бир очкога ортда қолдирди.
Шу тариқа, Буэнос-Айрес клуби ўз тарихида 36-марта Аргентина чемпиони бўлди. Жамоа сўнгги бор 2022 йилда ушбу совринни қўлга киритган эди.
Аргентина чемпионлиги сони бўйича рекорд «Ривер Плейт»га тегишли. Ушбу клуб 38 марта мамлакат чемпиони бўлган.
Аввалроқ Дибала «Бока Хуниорс» билан музокара ўтказаётгани маълум қилинганди.