Португалиянинг «Бенфика» клуби янги логотипини тақдим этди.
Лиссабонликлар президенти Руй Кошта рамзнинг янгиланган кўринишини кеча, 31 октябр куни эрталаб бўлиб ўтган умумий йиғилишда намойиш қилди.
Клубнинг энг танилган белгиларидан бирига киритилган ўзгаришлар 2025 йил март ойида тасдиқланган низомга мувофиқ амалга оширилди.
Шу сабабли логотипни янгилаш қарори янги визуал услуб яратиш билан боғлиқ эмас. «Бенфика» тарихий рамзнинг айрим тафсилотларини тузатишга қарор қилди.
Логотипдаги ўзгаришлар бирданига эмас, босқичма-босқич жорий этилади. Клуб янгиланган рамздан фойдаланишни яқин ойлар давомида йўлга қўйиши кутилмоқда. Яъни, мухлислар ва жамоа атрофидаги тузилмалар логотипнинг янги кўринишига аста-секин ўтади.
Ҳозирда «Бенфика» Португалия чемпионати турнир жадвалида 2-ўринни эгаллаб турибди.
Фото: Footy Headlines
Мухлислар бу янгиликни Telegram’да муҳокама қилмоқда
Изоҳлар Telegram’да очилади