Мадриднинг «Реал» клуби 2026 йилги жаҳон чемпионати якунланганидан кейин шов-шувли трансферни амалга ошириши мумкин. Бу ҳақда журналист Санти Ауна хабар берди.
«Қироллик клуби» «Бавария» вингери Майкл Олисега даъвогарлик қилмоқда. Хабарларга кўра, франциялик футболчи яқин вақт ичида Мюнхен клубидан уни Мадридга қўйиб юборишни сўрайди.
«Бавария» эса 24 ёшли футболчи учун камида 200 миллион евро талаб қилиши кутилмоқда. Эслатиб ўтамиз, ҳозирги вақтда жаҳон футболи тарихидаги энг қиммат трансфер Неймарнинг «Барселона»дан «ПСЖ»га 222 миллион еврога ўтгани ҳисобланади.
Аввалроқ Олисе мундиал якунлангач «Бавария» раҳбарияти билан дарҳол музокара ўтказишни талаб қилгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади