Мадриднинг «Реал» клуби Алваро Арбелоани бош мураббий этиб тайинлаганини эълон қилди.
Клуб бироз аввалроқ Хаби Алонсони истеъфога чиқарганини эълон қилганди.
Қайд этиш жоизки, Арбелоа бунга қадар «Реал Кастилия»ни бошқариб келаётганди.
Эслатиб ўтамиз, «қироллик» клуби Испания Суперкубоги финалида «Барселона»га (2:3) мағлуб бўлганди.
Маълумот учун, «Реал» Испания чемпионати турнир жадвалида 19 та ўйиндан кейин 45 очко тўплаб, 2-ўринни эгаллаб турибди. Пешқадам «Барселона» эса жамоадан 4 очкога олдинда бормоқда.
