Франция миллий жамоаси собиқ форварди Терри Анри 2026 йилда УЕФА президентининг махсус совринига лойиқ кўрилди. Ушбу соврин майдонда ва унинг ташқарисида эришилган улкан натижалар учун топширилади.
Ташкилот раҳбари Александер Чеферин бу борада қуйидагича фикр билдирди:
«Тезлик, нафислик, маҳорат ва ҳужумларни якунлашдаги совуққонлик Анрини барча даврларнинг энг яхши ҳужумчиларидан бирига ва жаҳон даражасидаги мутахассис сифатида футболда ўз тарихини ёзишда давом этаётган инсонга айлантирди. У ҳақиқатан ҳам муҳим масалалар бўйича гапиришдан ҳеч қачон қўрқмаган: камситиш ва ирқчиликка қарши изчил равишда кураш олиб борган, руҳий саломатлик муаммолари ҳақида гапирган ва кўплаб гуманитар ташаббусларни қўллаб-қувватлаш учун ўз вақтини аямайди. Унинг ўзига хос эҳтироси ва майдондан ташқаридаги фаолияти шуни кўрсатдики, машҳур ибора «томирлардаги муз» ҳали ҳаммаси эмас. Бунинг ортида бефарқ бўлмаган, илиқ қалб яширинган».
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади