«Арсенал» ва «Барселона»нинг собиқ форварди Терри Анри Криштиану Роналду ва Лионел Мессини ўзаро таққослади.
«Бу хато. Агар ҳар иккисининг ўйинидан завқланиш мумкин бўлса, нега одамлар уларни ўзаро солиштиради? Албатта, мен Лео билан ўйнаганман, ҳиссий сабабларга кўра уни танлайман. Аммо бу Криштиануга қарши чиқаман дегани эмас.
Уларнинг ҳар бири — футбол чўққиси. Улар бошқа сайёрадан. Улар худди спорт тарихидаги Надал-Федерер, Прост ва Сенна ҳамда бошқалар каби бир-бирини кучлироқ қилди. Криш ва Лео рақобатдан ташқарида», — дея Анрининг сўзларидан иқтибос келтиради Marca.
