Ўзбекистон Кубоги 1/8 финалида про лига вакили «Ғазалкент» «Қўқон-1912»ни қабул қилди. Қизиқарли ўтган учрашувда про лига клуби 2:1 ҳисобида ғалаба қозонди. Қўқонликлар мусобақа билан хайрлашди. Учрашув якунланганидан кейин «Қўқон-1912» устози Андрей Шипилов матбуот анжуманида иштирок этди.
- Бунинг барчаси менинг зиммамда. Йигитларга яхши етказа олмадим. Огоҳлантирдим, айтдим, тушунтирдим. Лекин улар мени эшитишмади. Биз фақат иккинчи голдан кейин уйғондик.
— Бугун, айниқса биринчи бўлимда, рақиб бизга қарши жуда яхши ўйин кўрсатди. Бизга маълумки, улар сўнгги учрашувларда жуда яхши формада эдилар. Деярли барча ўйинларда гол уришди ёки голли узатмаларни амалга оширишди. Бугун ҳам, айниқса биринчи бўлимда, рақиб жуда яхши ўйин намойиш этди. Сизнингча, ўйиннинг чиқмаганига айнан шу омил сабаб бўлдими?
— Йўқ, ҳеч қандай ҳолатда мен футболчиларнинг исм-фамилияларини айтмоқчи эмасман. Мен йигитлардан иккинчи зонада жуда зич ўйнашларини сўраган эдим. Чунки рақиб бу зонани жуда тез босиб ўтарди. Кубокдаги рақибимиз ким бўлишини билганимиздан кейин мен уларнинг бешта учрашувини жуда диққат билан кўриб чиқдим ва шунга қараб тайёргарлик кўрдик. Бир вақтнинг ўзида чемпионатда ҳам ўйинларимиз бор эди, шу билан бирга кубок баҳсига ҳам тайёргарлик олиб бордик.
Биз рақибнинг кучли ва заиф томонларини жуда синчиклаб ўргандик. Кеча ҳам, бугун ҳам, умуман, «Андижон» билан ўйиндан кейинги шу кунлар давомида йигитларга уларга қарши жуда зич ўйнаш кераклигини айтдим. Рақибга бош кўтаришга имкон бермаслик, унга эркинлик бермаслик лозим эди.
Биз иккинчи зонада, айниқса таянч ярим ҳимоячилар билан жуда зич ўйнай олмадик. Биринчи голни эса оддий қилиб айтганда, «ухлаб қолдик». Мен уларни уйғота олмадим. Балки мотивацион сўзларни бошқача топишим керак бўлгандир. Лекин бу — менинг хатоим. Мен уларни уйғота олмадим.
Яна бир бор айтаман: иккинчи голни ўтказиб юборганимиздан кейин уйғондик ва умуман олганда, бу учрашувни қутқаришимиз ҳам мумкин эди. Ҳакамлик ҳақида ҳеч нарса демоқчи эмасман. Чунки мағлуб бўлганингда кимнидир айблаш жуда осон. Лекин мен учун тушунарсиз бўлган бир қатор вазиятлар бўлди.
Мен футболчиларга уларга қарши яхши, атлетик футбол ўйнаш кераклигини айтгандим. Улар эса буни кўрсатишлари керак эди. Tанаффусдан кейин ҳам кийиниш хонасида йигитлардан шу компонентда, ҳеч бўлмаса, бироз бўлса-да қўшимча қилишларини талаб қилдим.
Уларнинг кўзларида олов йўқ эди. Шу сабабли биз рақибга шунчаки имконият бериб қўйдик. Улар эса бу имкониятдан жуда яхши фойдаланишди. Шу билан ҳаммаси тугади. Биз уйдаги ўйинлардан биридан кейин уч нафар футболчимиздан айрилдик. Уларнинг барчаси қанотларда ўйнайдиган футболчилар эди.
Улардан бирини, Худога шукр, операция қилишди, лекин биз уни олти-саккиз ойга йўқотдик. Биз учун эса ҳар бир футболчи муҳим.
Гадоев ҳам — бу ҳақда интервьюда айтганман — уйдаги ўйинда жуда кучли зарба олди. Фарҳод эса қаттиқ заҳарланиб қолди. Шунинг учун бугун тактик схемани ўзгартиришга мажбур бўлдик. Бундан ташқари, бизда марказий ҳимоячи ҳам сафдан чиқди. У учликда, чап оёқли ҳимоячи сифатида ўйнарди.
Оғир ўйиндан кейин уч нафар марказий ҳимоячи билан ўйнаш биз учун жуда қийин. Бу схемага мос ротация қилиш учун футболчиларимиз йўқ. Шунинг учун биз қўлимизда бор футболчилардан келиб чиқиб ҳаракат қиламиз. Бугун ҳам шу сабабли мазкур схемадан фойдаландик», - дея Андрей Сергеевичнинг сўзларини келтиради Tribuna.uz журналисти.
