«Андижон» нигериялик ҳужумчи Исмаил Акинаде билан шартнома имзолади. Бу ҳақда клуб матбуот хизмати хабар берди.
«Ёзги трансфер чоғида таркибни кучайтириш борасида селекция ишларини олиб бораётган жамоамиз яна бир янги футболчи билан келишувга эришди.
Танишинг: жамоамизнинг янги ҳужумчиси – Исмаил Акинаде!
Маълумот учун, Акинаде 1994 йилнинг 11 феврал санасида Нигерияда таваллуд топган. У марказий ҳужумчи позициясида тўп тепади.
Охирги клуби Малайзиянинг «Теренгану» жамоаси ҳисобланади. Ҳужумчи фаолияти мобайнида 295 та учрашув майдонга тушиб рақиблар дарвозасига 80 та гол урган ва 47 та голли пасни узатган» — дейилади хабарда.
Аввалроқ Суннатилла Ҳамиджонов иккинчи даврани «Андижон» таркибида ўтказиши маълум қилинганди.
