«Ҳалл Сити» бош мураббийи Сергей Якирович шогирдларининг 2025/2026-йилги мавсум якунларига кўра Англия Премер-лигаси йўлланмасини қўлга киритганига ҳазил билан муносабат билдирди. Жамоа Чемпионшипда олтинчи ўринни эгаллаб, плей-оффда «Миллуолл» (0:0, 2:0) ва «Мидлсбро»ни (1:0) мағлуб этиб, АПЛга йўл олди.
«Сизларга бир нарсани айтишим керак. Мавсум бошида олдимда фақат битта вазифа бор эди — Чемпионшипдаги ўрнимизни сақлаб қолиш. Мен омадсизликка учрадим. Биз АПЛга чиқдик!» — деди Якирович жамоанинг АПЛ йўлланмасини қўлга киритганини нишонлаш вақтида.
«Ҳалл Сити»дан ташқари, АПЛга «Ковентри» ва «Ипсвич» ҳам чиқди.
Transfermarkt портали маълумотларига кўра, «Ҳалл» якунланган Чемпионшип мавсумида таркиби қиймати жиҳатидан 12-ўриндаги жамоа сифатида баҳоланганди.
