«Chelsi» va «Galatasaroy»ning sobiq vingeri Hakim Ziyesh Braziliyaning «Botafogo» klubiga o‘tdi. Bu haqda jamoa matbuot xizmati ma’lum qildi.
33 yoshli futbolchi joriy yil yozidan buyon erkin agent maqomida edi. Ziyesh 8-sentabr kuni Braziliyaga yetib kelib, tibbiy ko‘rikdan o‘tdi va «Botafogo» bilan 2028-yilgacha mo‘ljallangan shartnoma imzoladi. Futbolchining rasmiy taqdimoti sanasi keyinroq e’lon qilinadi.
Ziyesh 2020–2023-yillarda «Chelsi» safida to‘p tepgan. Keyinchalik Turkiyaning «Galatasaroy» klubiga o‘tib, u yerda bir yarim mavsum faoliyat olib bordi. Yevropani tark etganidan so‘ng marokashlik futbolchi Qatarning «Al Duhayl»i va Marokashning «Vidad» jamoalarida ham o‘ynadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi