«Челси» ва «Галатасарой»нинг собиқ вингери Ҳаким Зиеш Бразилиянинг «Ботафого» клубига ўтди. Бу ҳақда жамоа матбуот хизмати маълум қилди.
33 ёшли футболчи жорий йил ёзидан буён эркин агент мақомида эди. Зиеш 8 сентябр куни Бразилияга етиб келиб, тиббий кўрикдан ўтди ва «Ботафого» билан 2028 йилгача мўлжалланган шартнома имзолади. Футболчининг расмий тақдимоти санаси кейинроқ эълон қилинади.
Зиеш 2020–2023 йилларда «Челси» сафида тўп тепган. Кейинчалик Туркиянинг «Галатасарой» клубига ўтиб, у ерда бир ярим мавсум фаолият олиб борди. Европани тарк этганидан сўнг марокашлик футболчи Қатарнинг «Ал Дуҳайл»и ва Марокашнинг «Видад» жамоаларида ҳам ўйнади.
