Fransiya poytaxti Parijda «Oltin toʻp-2025» marosimi boʻlib oʻtmoqda.
Asosiy sovringa qadar bir qator nominatsiyalarda eng yaxshilar aniqlanmoqda.
Marosimda «Sporting» sobiq aʼzosi, yozda «Arsenal»ga oʻtgan Viktor Gokeresh 2024/25 yilgi mavsumning eng yaxshi hujumchisi deb topildi va Gerd Myuller nomidagi sovrinni qabul qilib oldi. 27 yoshli forvard oʻtgan mavsumda Portugaliya chempionatida 33 oʻyinda 39 ta gol urgandi.
Maʼlumot oʻrnida, oʻtgan mavsumda ushbu sovringa Harri Keyn («Bavariya») va Kilian Mbappe («Real») munosib koʻrilgandi.
