«Shtutgart» hujumchisi Denis Undav Germaniya milliy jamoasining Millatlar ligasidagi navbatdagi bahslariga chaqirilmagani haqida fikr bildirdi. Bu yangi bosh murabbiy Yurgen Klopp tomonidan shakllantirilgan Germaniya milliy jamoasining dastlabki tarkibi bo‘ldi.
«Bir lahzaga hafsalam pir bo‘ldi. Chunki Jahon chempionati va milliy jamoadagi o‘yinlar orqali o‘zimga ma’lum darajada zaxira kuch yaratdim, deb o‘ylagandim. Ko‘rinishidan, unday emas ekan va o‘zimni yana bir bor ko‘rsatishim kerak. Hammasini boshidan boshlashim va murabbiyga yana bir bor unga mos futbolchi ekanimni isbotlashim kerak», — dedi Undav. Uning so‘zlarini Sky Sport Germany keltirdi.
30 yoshli hujumchi 2026-yilgi Jahon chempionatida Germaniya milliy jamoasi safida to‘rtta bahsda maydonga tushdi. Undav ushbu bahslarda uchta gol urib, ikkita golli uzatmani amalga oshirdi.
Eslatib o‘tamiz, Germaniya milliy jamoasiga Yurgen Klopp bosh murabbiy etib tayinlanganidan so‘ng, mutaxassis ilk bor tarkibni shakllantirdi. Undav esa ushbu ro‘yxatdan joy olmadi.
Ma’lumot uchun, Germaniya milliy jamoasi navbatdagi bahslarini UEFA Millatlar ligasi doirasida o‘tkazadi.
