Superligada avgust oyining eng yaxshi futbolchisi aniqlandi.
PFL matbuot xizmati xabar berishicha, «Surxon» hujumchisi Rustam Turdimurodov avgust oyining eng yaxshi futbolchisi deb topildi.
21 yoshli futbolchi o'tgan oyda termizliklar safida 5 o'yinda maydonga tushib, 4ta gol urgan. Xususan, «Bunyodkor»ga qarshi bahsda dublga erishgandi.
Turdimurodov yozgi transfer vaqtida «Andijon»dan «Surxon» safiga kelib qo'shilgandi.
Shuningdek, u O'zbekiston yoshlar jamoasi safida Falastinga qarshi bahsda g'alaba goliga mualliflik qildi.
