RPL. “Dinamo” Grozniyda alamli magʻlubiyatga uchradi, Mahamadjonov toʻliq oʻynadi

Rossiya chempionatining 8-turida Maxachqalʼaning “Dinamo”si Grozniyda “Axmat” bilan bahs yuritdi va ikki bor hisobda oldinga chiqib olganiga qaramay, yakunda kambek qurboni boʻldi.

Mehmonlar safida oʻzbekistonlik himoyachi Mahmud Mahamadjonov toʻliq harakat qildi.

“Dinamo” 12 ochko bilan 6-oʻrinda qoldi. “Axmat” ochkolarini 10 taga yetkazib, 9-pogʻonaga koʻtarildi.

RPL. 8-tur
Axmat — Dinamo M 3:2
13 sentyabr, Grozniy, “Axmat Arena”
Gollar: Sidibe (58), Alarkon (66, avtogol), Kelianu (86) — Agalarov (48), Sundukov (64).
Dinamo Maxachqalʼa — Magomedov (Volk, 22), Sundukov, Alarkon, Alibekov, MAHAMADJONOV, Jabrailov (Smelov, 46), Apshatsev (Ahmedov, 72), Glushkov, Mreziguye (Xubulov, 89), Lesovoy, Agalarov (Miro, 72).
Chetlatish: Sundukov (90+5).