Portugaliya milliy jamoasi sardori Krishtianu Ronaldu Millatlar Ligasi guruh bosqichi 2-turi doirasida Norvegiyaga qarshi 2:1 hisobidagi g‘alabadan keyin stadionni tark etdi. Bu haqda O Jogo xabar berdi.
Final hushtagi chalinishi bilan 41 yoshli hujumchi to‘g‘ridan-to‘g‘ri stadionning tribuna ostidagi xonalari tomon yo‘l olgan. Bu paytda esa Portugaliya milliy jamoasining boshqa futbolchilari maydonda qolib, Norvegiyaga safar o‘yini uchun kelgan muxlislarga minnatdorchilik bildirgan. Qayd etilishicha, Oslodagi uchrashuvni stadiondan kuzatish uchun 500 nafarga yaqin portugaliyalik muxlis tashrif buyurgan.
Ma’lumot o‘rnida, Ronaldu Norvegiyaga qarshi bahsni to‘liq zaxira o‘rindig‘ida o‘tkazdi va maydonga tushmadi. Bu futbolchining so‘nggi 18 yil ichida Portugaliya milliy jamoasining rasmiy uchrashuvida qaydnomadan joy olib, bir daqiqa ham o‘ynamagan ilk holati bo‘ldi.
Muxlislar bu yangilikni Telegram’da muhokama qilmoqda
Izohlar Telegram’da ochiladi