Португалия миллий жамоаси сардори Криштиану Роналду Миллатлар Лигаси гуруҳ босқич 2-тур доирасидаги Норвегияга қарши 2:1 ҳисобидаги ғалабадан кейин стадионни тарк этди. Бу ҳақда O Jogo хабар берди.
Финал ҳуштаги чалиниши билан 41 ёшли ҳужумчи тўғридан-тўғри стадионнинг трибуна остидаги хоналари томон йўл олган. Бу пайтда эса Португалия миллий жамоасининг бошқа футболчилари майдонда қолиб, Норвегияга сафар ўйини учун келган мухлисларга миннатдорчилик билдирган. Қайд этилишича, Ослодаги учрашувни стадиондан кузатиш учун 500 нафарга яқин португалиялик мухлис ташриф буюрган.
Маълумот ўрнида, Роналду Норвегияга қарши баҳсни тўлиқ захира ўриндиғида ўтказди ва майдонга тушмади. Бу футболчининг сўнгги 18 йил ичида Португалия миллий жамоасининг расмий учрашувида қайдномадан жой олиб, бир дақиқа ҳам ўйнамаган илк ҳолати бўлди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади