Bugun, 15 iyun kuni AQShdagi Oq uy hududida tarixiy UFC White House — Freedom 250 turniri bo‘lib o‘tadi.
Kechaning asosiy jangi yengil vazn toifasidagi chempionlik bellashuvi bo‘ladi. Unda amaldagi chempion Iliya Topuriya vaqtinchalik kamar sohibi Jastin Geyjiga qarshi oktagonga ko‘tariladi.
UFC’ning X ijtimoiy tarmog‘idagi rasmiy sahifasi xabar berishicha, turnir boshlanish vaqti o‘zgartirildi. Dastlabki rejaga ko‘ra, musobaqa 05:00 (Toshkent vaqti bilan)da start olishi kerak edi, ammo noqulay ob-havo sharoiti sabab turnir kechiktirildi. Endi janglar 06:00 da boshlanadi.
Ikkinchi asosiy jangda Aleks Pereyra uchinchi vazn toifasini zabt etishga urinib ko‘radi. U og‘ir vaznda vaqtinchalik kamar uchun Siril Ganga qarshi jang qiladi.
Avvalroq Dana Uayt Mahachevning Oq uydagi turnirda jang qilmasligi sababini aytib o‘tgan edi.
