«Arsenal» vingeri Gabriel Martinelli Saudiya Arabistonining «Al Hilol»ga o‘tishga rozilik berdi. Bu haqda insayder Fabrisio Romano xabar berdi.
Manbaga ko‘ra, transferning umumiy qiymati 65 million yevrodan ortiq bo‘ladi. Ayni paytda «Arsenal» va Riyod klubi shartnoma bandlarini kelishib olishning yakuniy bosqichida. Martinellining tibbiy ko‘rikdan o‘tishi ham yaqin kunlarda rejalashtirilmoqda.
Ma’lumot uchun, braziliyalik futbolchi London klubiga 2019 yilda «Ituano»dan qo‘shilgan edi. Martinellining «Arsenal» bilan amaldagi shartnomasi 2027 yil yozigacha mo‘ljallangan.
Muxlislar bu yangilikni Telegram’da muhokama qilmoqda
Izohlar Telegram’da ochiladi