«Liverpul»ning sobiq sardori va yarimhimoyachisi Stiven Jerrard mersisaydliklar bosh murabbiyi Arne Slotning klubdagi kelajagi haqida fikr bildirdi.
«Slotning iste'foga chiqishini istamayman. Umid qilamanki, u vaziyatni to'g'rilaydi, hammasi yaxshi tomonga o'zgaradi. «Liverpul» yana o'zini tiklab, g'alabali yo'lga qaytadi.
To'rt-besh oy avval, «Liverpul» Angliya chempioni bo'lganida, quvonchimdan butun shahar bo'ylab yugurib yurgandim», — deydi Jerrard.
Eslatib o'tamiz, niderlandiyalik mutaxassis 2024 yilning yozidan beri jamoani boshqarib kelyapti. O'tgan mavsum yakunlariga ko'ra, jamoa bilan APLda chempion bo'lgan edi.
