«Ливерпул»нинг собиқ сардори ва яримҳимоячиси Стивен Жеррард мерсисайдликлар бош мураббийи Арне Слотнинг клубдаги келажаги ҳақида фикр билдирди.
«Cлотнинг истеъфога чиқишини истамайман. Умид қиламанки, у вазиятни тўғрилайди, ҳаммаси яхши томонга ўзгаради. «Ливерпул» яна ўзини тиклаб, ғалабали йўлга қайтади.
Тўрт-беш ой аввал, «Ливерпул» Англия чемпиони бўлганида, қувончимдан бутун шаҳар бўйлаб югуриб юргандим», — дейди Жеррард.
Эслатиб ўтамиз, нидерландиялик мутахассис 2024 йилнинг ёзидан бери жамоани бошқариб келяпти. Ўтган мавсум якунларига кўра, жамоа билан АПЛда чемпион бўлган эди.
