Eron ayollar milliy jamoasining ikki futbolchisi Avstraliya fuqaroligini oldi

Eron ayollar milliy jamoasining ikki futbolchisi vatanga qaytishdan bosh tortib, Avstraliya fuqaroligini oldi.

Eslatib oʻtamiz, Avstraliyada oʻtkazilgan Osiyo kubogidan chiqib ketganidan soʻng Eron ayollar jamoasining olti nafar futbolchisi va bir nafar xodimi jamoa qarorgohini tark etgandi. Avstraliya ularga boshpana va gumanitar vizalar taqdim qildi. Biroq keyinchalik eronlik futbolchilarning besh nafari vatanga qaytishga qaror qildi.

Chorshanba kuni Avstraliyada qolgan 34 yoshli Atefe Ramezanisade va 22 yoshli Fotima Pasandide Avstraliya fuqaroligini oldi. Fuqarolikni qabul qilish marosimida mamlakat ichki ishlar vaziri Toni Burk ham ishtirok etdi.

Ramezanisade bu kunni «chindan ham oʻzigacha boʻlgan va unutilmas kun» deb atadi. U, shuningdek, «Avstraliya fuqarosi boʻlganidan faxrlanishi va bundan chuqur minnatdor ekanini» bildirdi.

«Bu lahzaning ahamiyatini soʻz bilan ifodalay olmayman. Bu — yangi sahifa va men faxr bilan oʻz uyim deb atay oladigan joy», — dedi Pasandide.