АҚШ, Канада ва Мексикада ўтадиган жаҳон чемпионатининг яна бир иштирокчиси маълум бўлди.
Африка қитъасида ўтаётган саралашнинг 9-тур баҳсларидан бирида Жазоир Сомалини йирик ҳисобда енгиб, муддатидан аввал мундиал йўлланмасига эга чиқди.
Маҳрез ва жамоадошлари (22) бир тур қолганида 2-ўриндаги Уганда (18) билан 4 очколик фарқни юзага келтириб, сўнгги турни ўзлари учун расмиятчиликка айлантиришди.
Жазоир ЖЧ-2026нинг 20-қатнашчиси бўлди. Бунгача АҚШ, Канада, Мексика, Япония, Янги Зеландия, Эрон, Аргентина, Ўзбекистон, Жанубий Корея, Иордания, Австралия, Бразилия, Эквадор, Уругвай, Колумбия, Парагвай, Марокаш, Тунис ва Миср ҳам йўлланма қўлга киритганди.
Жазоир 5-бор мундиал иштирок этади. Дебют 1982 йилга тўғри келади. Ундан сўнг жамоа 1986, 2010 ва 2014 йилги мундиалларга ҳам борган. Энг яхши натижаси — 1/8 финал (2014 йил).
ЖЧ-2026 саралаши. Африка
G гуруҳи. 9-тур
Сомали — Жазоир 0:3
Голлар: Амура (6, 57), Маҳрез (19).
