«Ювентус» «Астон Вилла» дарвозабони Эмилиано Мартинес билан уч йиллик шартнома шартлари бўйича келишувга эришди. Бу ҳақда журналист Жанлука Ди Мартсио хабар берди.
Манба маълумотига кўра, аргентиналик посбон Турин клубига ўтиш учун маошини камайтиришга ҳам рози бўлган.
Бироқ трансфернинг амалга ошиши ҳозирча номаълумлигича қолмоқда. Сабаби, «Ювентус» 33 ёшли дарвозабон учун трансфер пули тўлашни истамаяпти.
Қайд этилишича, туринликлар футболчининг ёшини инобатга олиб, уни имкон қадар эркин агент сифатида ёки минимал харажат эвазига қўлга киритишни режалаштирмоқда.
Ҳозирча «Астон Вилла»нинг Мартинесни бепул қўйиб юборишга тайёрми ёки йўқлиги номаълум.
Эслатиб ўтамиз, Эмилиано Мартинес Аргентина миллий жамоаси билан Жаҳон чемпиони бўлган ва сўнгги йилларда дунёнинг энг кучли дарвозабонларидан бири сифатида эътироф этилмоқда.
Маълумот учун, унинг «Астон Вилла» билан амалдаги шартномаси 2029 йилнинг июн ойига қадар амал қилади.
