Нидерландиялик собиқ футболчиси Марко ван Бастен Хави Эрнандеснинг миллий жамоага бош мураббий этиб тайинланиши ҳақида фикр билдирди.
«Барселона»нинг собиқ футболчиси 1978-йилдан буён Нидерландия миллий жамоасини бошқарадиган илк хорижлик мутахассисга айланди.
«Шахсан мен нидерландиялик мураббийни афзал кўрардим. Менимча, мутахассисларни Нидерландиянинг ўзида тарбиялашимиз керак. Агар Нидерландияда терма жамоа учун маҳаллий мураббий топа олмасак, демак, нимадир нотўғри кетган деган таассурот пайдо бўлади», — деди эксперт Radio JOE билан суҳбатда.
Эслатиб ўтамиз, Нидерландия миллий жамоасининг аввалги бош мураббийи Роналд Куман 2026-йилги жаҳон чемпионатидаги муваффақиятсизликдан сўнг истеъфога чиқарилган. Жамоа турнирнинг 1/16 финал босқичида Марокашга мағлуб бўлиб, мусобақани тарк этган.
