Усик тезлик, ҳимоя, куч ва интелллект каби жиҳатлар бўйича идеал боксчини «йиғди»

Бокс бўйича икки вазн тоифасида мутлақ жаҳон чемпиони бўлган, мағлубият нималигини билмаган Александр Усик DAZN порталига берган интервюсида бир нечта жиҳатлар бўйича ўзининг идеал боксчисини тузиб чиқди.

Александр Усик талқинига кўра, идеал боксчи:

* Тезлик: Василий Ломаченко.

* Ҳимоя: Саул Алварес.

* Жисмоний куч: Энтони Жошуа.

* Оёқ ҳаракатлари: Василий Ломаченко.

* Бокс интеллекти: Тайсон Фюри.

* Чидамлилик: Наоя Иноуэ.

* Техника: Шакур Стивенсон.

* Руҳий тайёргарлик: Теренс Кроуфорд.

Украиналик боксчи профессионал фаолияти давомида 25 та ғалаба қайд этган бўлиб, уларнинг 16 тасида рақибларини муддатидан олдин мағлуб этган. Унинг ҳисобида бирорта ҳам мағлубият йўқ.

Усик профессионал боксдаги фаолиятини 2013 йил ноябр ойида бошлаган. Шунингдек, у 2012 йилги Лондон Олимпия ўйинларининг бокс мусобақасида чемпион бўлган.