Англия миллий жамоасининг март ойидаги ўқув-машғулот йиғинларига «Реал»нинг ўнг қанот ҳимоячиси Трент Александер-Арнолд чақирилмади.
Жамоа бош мураббийи Томас Тухел ўз қарорини изоҳлаб берди.
«Назаримда, Трент бизга нима бера олишини яхши биламан. Биз бундан аввал ҳам сафимизда бўлган йигитларга ишонч билдиришга қарор қилдик. Мен Трентнинг кучли томонларини биламан, у катта футболчи, аммо бу спортдаги яна бир қарор. Биз аввал бўлганлар билан қоламиз – бу Куанса, Спенс ва Ливраменто», - деди Тухел матбуот анжуманида.
Маълумот учун, Томас жароҳат сабаб охирги ҳафталарда майдонга умуман тушмаган Жуд Беллингҳемни жамоага таклиф қилди.
Англия миллий жамоаси бўлажак жаҳон чемпионатига тайёргарликни давом эттирмоқда. Март ойида инглизлар Уругвай ва Японияга қарши назорат баҳсларида майдонга тушади.
