Хорватиялик ҳужумчи Петар Сучич Миланнинг «Интер» клубидаги иккинчи мавсумига тайёр. Футболчи клуб ҳақида гапираркан, унга ошиқ бўлиб қолганини тан олди. Бунга ўтган мавсумда «Интер» ички аренада барча совринларни қўлга киритгани ҳам туртки бўлган бўлса ажаб эмас.
«Мен бу клубни, унинг мухлисларини ва унга дахлдор бўлган барча инсонларни севиб қолдим. Бу дунёдаги энг йирик клублардан биридир. Бунинг нимани англатишини фақат шу ерга келибгина тушуниш мумкин. Ўйлайманки, бу ҳаётимдаги энг тўғри қарор бўлган», - дея Сучич сўзларидан иқтибос келтирди derbyderbyderby.it.
Эслатиб ўтамиз, бунгача Сучич Загребнинг «Динамо» клуби шарафини ҳимоя қилган.
