Швейцария Суперлигаси. «Лугано» «Базел»дан устун келди, Каримов захирадан тушди

Швейцария чемпионатининг 12-турида пешқадам «Лугано» ўз майдонида «Базел»ни мағлубиятга учратди.

Мезбонлар сафида Ўзбекистон миллий жамоаси ҳимоячиси Беҳруз Каримов захирадан майдонга туширилди.

«Лугано» очколарини 34 тага етказиб, 1-ўринни мустаҳкамлади. Жамоа энг яқин таъқибчиси «Янг Бойз»ни 9 очкога ортда қолдирмоқда. 14 очкоси бор «Базел» 7-поғонага тушди.

Швейцария Суперлигаси. 12-тур
Лугано — Базел 2:1
1 ноябр, «AIL arena»
Голлар: дос Сантос (10), Чиминяни (27) — Отеле (37).
Лугано — фон Баллмос, Пападопулос, Маи, Делкруа (Бисшел, 51), Гргич, Занотти, Бислими, дос Сантос (Пилстром, 75), Чиминяни, Монкада (Кастро 21, КАРИМОВ 73), Беренс (Айети, 73).