Италиянинг машҳур «Сан Сиро» стадиони бугун, 19 сентябр куни очилганига 100 йил тўлганини нишонламоқда. Арена айни пайтда Миланнинг икки асосий футбол клуби — «Интер» ва «Милан»нинг уй стадиони ҳисобланади.
Стадион дастлаб фақат «Милан» клубига тегишли арена сифатида фаолият юритган. Иккинчи жаҳон урушидан кейин эса «Милан» «Интер» билан стадиондан биргаликда фойдаланишга рози бўлган. Шундан буён арена икки жамоанинг тарихида муҳим ўрин эгаллаб келмоқда.
1979 йилда стадионга италиялик машҳур футболчи Жузеппе Меацанинг номи берилди. У фаолиятининг катта қисмини «Интер»да ўтказган бўлса-да, «Милан» сафида ҳам тўп тепган. Шу сабабли стадионнинг янги номи Милан футболи тарихидаги икки клуб билан ҳам боғлиқ бўлиб қолди.
«Сан Сиро» ўзининг юз йиллик тарихи давомида икки марта кенг кўламли реконструкциядан ўтказилган. Дастлабки йирик таъмирлаш ишлари ўтган асрнинг 50-йилларида, кейингиси эса 80-йилларда амалга оширилган.
Маълумот учун, «Сан Сиро» Миландаги «Интер» ва «Милан» клубларининг уй аренаси сифатида фаолият юритади. Стадионнинг расмий номи Жузеппе Меаца стадиони ҳисобланади.
