Россия футбол иттифоқи (РФИ) Евро-2028 саралашида миллий жамоанинг иштирок этишига ишонч билдирмоқда. Бу ҳақда иттифоқ бош котиби Максим Митрофанов маълум қилди.
«Албатта, Евро-2028 саралашида иштирок этиш умиди ҳамон сақланиб турибди. Биз умидни йўқотмаслигимиз керак», — деди Митрофанов.
Маълумот ўрнида, саралаш босқичи 2027 йилда бўлиб ўтади. Европа чемпионати эса 2028 йил 9 июндан 9 июлгача Буюк Британия ва Ирландия яшил майдонларида ўтказилади.
Аввалроқ Россия миллий жамоаси Эронга қарши ўртоқлик ўйинида 2:1 ҳисобида ғалаба қозонгани маълум қилинганди.
