El Pais манбаларига кўра, «Барселона» бош мураббийи Ҳанс-Дитер Флик ёзги трансферлар вақтида жамоага қўшилган Родрининг ўйинидан «жуда мамнун».
Хабарга кўра, немис мутахассиси машғулотлардан кейин жаҳон чемпиони Родри билан тез-тез суҳбатлашади. «Валенсия»га қарши Ла Лига баҳси олдидан ҳам улар машғулот майдонида беш дақиқа давомида суҳбатлашган.
Улар прессинг масаласини муҳокама қилган. Шунингдек, Флик яримҳимоячилар жарима майдони четидан кўпроқ зарба бериши керак, деган фикрини Родри билан бўлишган.
Манбага кўра, Родри аста-секин «Барселона» кийиниш хонасида ҳам жамоадошларининг ишончини қозонмоқда.
